Размер шрифта: A A A Изображения Выключить Включить Цвет сайта Ц Ц Ц Х
Воскресенье, 18.04.2021, 09:30
Приветствую Вас Гуест | RSS

МБОУ "Антоновская СОШ им. Н.Н.Чусовского"

Статистика

Онлайн всего: 1
Гостей: 1
Пользователей: 0
Главная » 2016 » Январь » 13 » Оскуола5а хонооьун
13:35
Оскуола5а хонооьун
Николай Чусовской аатынан Антоновка орто оскуолатыгар үгэскэ киирбит "Оскуолаҕа хонооһун" (Ночь в школе) тохсунньу 2 күнүгэр буолан ааста. Манна араас сылларга оскуоланы бүтэрбит уонна уон биирис кылаас оҕолоро киэһэ тоҕус чаастан сарсыарда алта чааска дылы араас көрдөөх оонньууларга кытыннылар. Барыта түөрт уон алта оҕо мустубут этэ.
Тэрээһини оскуола директоры научно-методическай үлэҕэ солбуйааччы Васильева Р.С. эҕэрдэ тылыттан саҕаланна уонна тэрээһин хаамыытын билиһиннэрдэ. Салҕыы Октябрьскай нэһилиэк баһылыга Михайлов Д.А. уонна эдэр ыччат лидера Руфов Р.И. эмиэ эҕэрдэ тылларын эттилэр. "Хаалтыһа суох кэпсэтиигэ" көхтөөхтүк кыттарга ыҥырдылар, оҕолорго ситиһиини баҕардылар. Оскуола иһинэн буолбут тэрээһиннэри Неустроева Вика уонна Буслаева Ньургуйаана уон биирис кылаас үөрэнээччилэрэ кылгастык билиһиннэрдилэр. Оҕону иитэр үлэҕэ директоры солбуйааччы Иванова А.А. устудьуоннары, оҕолору билиһиннэрии уонна эҕэрдэлэһии психологическай оонньуулары ыытта. Бары күлэ-үөрэ көхтөөхтүк кытыннылар. Сыл дьылынан арахсан саҥа дьыллааҕы эҕэрдэ нүөмэрдэри көрдөрдүлэр.
"Хаалтыһа суох кэпсэтиигэ" Октябрьскай нэһилиэк баһылыгын кытта устудьуоннар уонна оҕолор атах тэпсэн олорон нэһилиэккэ турар сытыы боппуруостары ыйыттылар. Боппуруостарга нэһилиэги хараҥа өттүгэр сырдатыы, водопровод, саҥа кулууп тутуллааһына, , сайыҥҥы бириэмэҕэ устудьуоннар строй отрядтарын тэрийэн нэһилиэги ыраастааһын туһунан этии, Г.Р. Балакшин тэрийэн боксаҕа аналлаах спортзал тутуллар дьылҕата, онтон да атын боппуруостар киирдилэр. Дмитрий Александрович ааспыт сылга ситиспит проектарын уонна Антоновка бүтэһик сонуннарын кэпсээтэ.
Мастер - кылаас көрдөрдүлэр ахсаан учуутала Обоева Н.И. крючогунан баайы кистэлэҥнэрин, эбии үөрэхтээһин учуутала Васильева Г.Е. минньигэс утах уонна аһылык оҥорон амсатта. Библиотека үлэһиттэрэ Федотова Л.С. уонна Кононова А.В. көрдөөх викторина ыыттылар төрөөбүт дойду тематыгар. Ефремов А.П. компьютерга оонньотон күрэхтэһиннэрэн сынньатта. Саха тылын уонна литературатын учуутала Борисова С.Б. караоке ырыа күрэҕин тэрийбитэ. Оҕолор былыргы ырыаттан саҕалаан ийэ дойдуга анаммыт ырыалары ыллаан астыннылар. "Музыка барыбытыгар" бырайыак чэрчитинэн үлэлиир оркестровай кылаас салайааччылара Ньургустаана Руфовна уонна Ньургуйаана Руфовна Константиновалар тыыннаах нуучча классическай композитордарын музыкатын уонна аныгы аатырбыт киинэлэр музыкаларыттан быһа тардан оонньоон иһитиннэрдилэр. Ону бэркэ диэн сэргээн иһиттилэр. Ол кэнниттэн көрдөөх эстафетаҕа кыттан эттэрин-хааннарын уһугуннардылар. Физическай култуура учууталлара Сентизов С.Р., Яковлев С.П. "Армеец чааһа" уонна армияҕа сылдьыбыт уолаттар сулууспалаабыт тугэннэрин иһитиннэрдилэр. Уоттаах-күөстээх дискотека буолла, ахтыбыт оскуолаларын хааһытын итии чэйдээх бэрт минньигэстик сиэтилэр. Бары дуоһуйа астына сынньанан тарҕастыбыт.
"Саһарҕа" пресс - киин салайааччыта
Фокина Т.Н.иьитиннэрдэ, хаартыскаларга түһэриитэ.

Просмотров: 386 | Добавил: Sonor
Всего комментариев: 0
Добавлять комментарии могут только зарегистрированные пользователи.
[ Регистрация | Вход ]
Вход на сайт
Логин:
Пароль:
Поиск

Copyright MyCorp © 2021