Размер шрифта: A A A Изображения Выключить Включить Цвет сайта Ц Ц Ц Х
Среда, 21.04.2021, 22:40
Приветствую Вас Гуест | RSS

МБОУ "Антоновская СОШ им. Н.Н.Чусовского"

Статистика

Онлайн всего: 1
Гостей: 1
Пользователей: 0
Главная » 2014 » Июнь » 15 » Новости ЮНЕСКО
18:37
Новости ЮНЕСКО
ЮНЕСКО оскуолатыттан сонуннар. Муус устар 15 күнүгэр Н.Н. Чусовской аатынан Антоновка орто оскуолатын биир сонун тэрээһин буолан ааста. ЮНЕСКО оскуолаларын Бүтүн Россиятааҕы ситимин бырайыагын чэрчитинэн “Планета күнэ” бырааһынньык ыытылынна. 4-8, 10 кылаас оҕолоро 14 араас дойду туһунан кэпсээтилэр, национальнай бүлүүдэлэри астаан аҕалан көрдөрдүлэр, национальнай көстүүм күрэҕэ буолла. Маннык үлэ хайысхата нь: үйэ 70-90 сылларыгар оскуолаҕа Клуб интернациональной дружбы (КИД) “Факел” нөҥүө ситиһиилээхтик ыытыллар этэ. Бырааһынньык аһыллыытыгар 20-чэ сыл ол үлэни салайбыт, нуучча тылын учуутала Афанасьева Мария Ивановна тыл эттэ. Киэһэ А.Я. Овчинникова аатынан “Түһүлгэ” Норуот айымньытын дьиэтигэр араас омук ырыата ылланна, үҥкүү бөҕө үҥкүүлэннэ, хоһоон арааһа ааҕылынна. Сыл аайы маннык бырааһынньык аны үгэс курдук ыытыллар буолуо. Муус устар 23-24 күннэригэр Казань куоракка Бүтүн Россиятааҕы “ЮНЕСКО Ассоциированнай оскуолатын учуутала» диэн семинарга директор Куличкина М.К., координатор Иванова М.М. кыттан кэллилэр. Оскуола улэтиттэн “Лесная школа” бырайыагы кэпсээбиппит улахан сэҥээриини ылла. Саҥа көлүөнэ стандартарга сөп түбэһиннэрэн, оҕону аҥаардас кылааска эрэ буолбакка, айылҕаны кытта алтыһыннаран саас-күһүн үөрэтэр-сайыннарар үлэбитин интэриэһиргээн хас да ЮНЕСКО оскуолалара үлэлэһиэх буоллулар. Интернет нөҥүө ыытыллар Бүтүн Россиятааҕы, Норуоттар икки ардыларынааҕы таһымнаах араас оонньууларга, конференцияларга, күрэхтэргэ кыттаммыт кэккэ ситиһиилэннибит. Олунньу ыйга 8 “б” кылаас (сал. Васильева О.А.) “Ух, ты, Масленица!” 2 нэдиэлэлээх он-лайн сайыннарар оонньууга кыттан финалга тахсыбыта. Кулун тутар ыйга Казань куоракка ыытыллыбыт «Языковой вкус эпохи» эдэр чинчийээччилэр конференцияларыгар 2 үөрэнээччи ситиһиилэммитэӨ Васильева Александра (9 “б”, үлэ салайааччыта Васильева М.Н.), Иванова Рената (10 «а», үлэ салайааччыта Степанова С.С.). Уратыта диэн үлэлэр английскайдыы тылынан көмүскэммитэрэ. Муус устар ыйга “Наше достояние” диэн ЮНЕСКО аан дойду таһымнаах айылҕа дьиктилэрин (объектарын) туһунан интернет оонньуутугар кыттаммыт, Россия 116 оскуолаларыттан 15 миэстэ буоллубут, Саха сирин ЮНЕСКО оскуолаларын ортотугар 2 миэстэлэннибит. Манна үөрэнээччилэри уонна учууталлары сэргэ икки төрөппут кыттыспытын бэлиэтиэххэ наада – Васильев Семен Октябринович, Чурустаева Сахая Юрьевна. Англия улуу поэта Шекспирга аналлаах сонет уонна уруһуй күрэҕэр оҕолорбут эмиэ астык ситиһиилэннилэр. Алта оҕо биһирэбил Грамота тутта (ол иһигэр үс уол үөрэнээччи), оттон 11 “б” кылаастан Кононова Алена Лауреат үрдүк аатын ылла. Биһиги оҕолорбутун поэзия алыптаах тыыныгар уһуйбут учууталга Афанасьева Мария Ивановнаҕа конкуруһу тэрийээччилэр анал Грамота ыыппыттара. Оттон Шекспир трагедияларыгар анаммыт уруһуйдарын иһин Федорова Диана уонна Мартынова Долгууна биһирэннилэр, кинилэри бэлэмнээбит учууталга Левина Изамира Иннокентьевнаҕа анал Грамота ыыттылар. ЮНЕСКО былаанынан быйыл оскуолабытыгар хас да анал бырааһынньыктар ыытыллыбыттарыттан, төрдус сылын ыытыллар “Ньургуһун бырааһынньыга” буолар. Бу тэрээһин хаһыс да сылын олохтоох дьаһалтаны, түөлбэлэри кытта ситимнээн тэриллэр. Сахабыт сирин биир саамай хорсун, кыраһыабай сибэккитигэр аналлаах күммүтүн “День культурного разнообразия” диэн ЮНЕСКО анал Күнүгэр – ыам ыйын 21 күнүгэр – сөп түбэһиннэрэбит. Быйылгы тэрээһин тойук, оһуохай күрэҕин кытта алтыспыта өссө кэрэхсэбиллээх буолла. Нэһилиэк паркатыгар оҕо, киһи элбэх тоҕуоруста. Кыра кылаас кыргыттара ньургуһун сибэкки буолан тахсыбыттара өссө киэргэттэ. Нэһилиэк эбээлэрин “Алгыс” кулуубун, “Дьүөгэлиилэр” ырыа ансамблын толорууларыгар ньургуһуҥҥа анаммыт үҥкүүнү көрдүбүт, ырыаны иһиттибит. Бырааһынньык быйылгы уратыта диэн элбэх хомустаах кыттааччы кэлэн сахалыы матыыптары оонньообуттара буолар. Бырааһынньыгы ыытыыга түөлбэлэр салайааччылара, учууталлар холбоһуктара, төрөппүттэр кыттыыны ыллылар. Н.Н. Чусовской аатынан Антоновка оскуолатыгар ЮНЕСКО улэтин суруннээччи Иванова М.М.
Просмотров: 500 | Добавил: Sonor
Всего комментариев: 0
Добавлять комментарии могут только зарегистрированные пользователи.
[ Регистрация | Вход ]
Вход на сайт
Логин:
Пароль:
Поиск

Copyright MyCorp © 2021