Размер шрифта: A A A Изображения Выключить Включить Цвет сайта Ц Ц Ц Х
Пятница, 15.12.2017, 19:10
Приветствую Вас Гуест | RSS

МБОУ "Антоновская СОШ"

Меню сайта
Статистика

Онлайн всего: 1
Гостей: 1
Пользователей: 0
Главная » 2017 » Октябрь » 25 » Мисс Школы 2017
13:13
Мисс Школы 2017

Үгэскэ киирбит кыыс оҕо кэрэтин кэрэһэлиир, өркөн өйүн хайҕыыр тэрээһин Антоновкатааҕы А.Я.Овчинникова аатынан "Түһүлгэ" култуура киинигэр "Мисс Школы 2017" буолан ааста. Манна Николай Чусовской аатынан Антоновкатааҕы оскуолаттан саамай кыраһыабай сэттэ кыталык кыыс араас түһүмэхтэргэ күрэстилэр. Ол курдук бэйэни билиһиннэрии, оскуола оҕотун аныгы муодата, талаан көрдөрүү,өй күрэҕэ, ас астаан аҕалан дьүүллүүр сүбэни амсатыы, киэһээҥҥи ырбаахы муодата көрдөрүлүннэ. Ол курдук Платонова Айыына 11 "а" кылаас үөрэнээччитэ, Белолюбская Валентина 9 "б" кылаас үөрэнээччитэ, Сухаринова Лаура 10 "а" кылаас үөрэнээччитэ, Габышева Виктория 10 "а" кылаас үөрэнээччитэ, Иннокентьева Варвара 9 "б" кылаас үөрэнээччитэ , Григорьева Амилия 10 "б" кылаас үөрэнээччитэ, Сидорова Лаурита кытыннылар 11 "б" кылаас үөрэнээччитэ. Кыргыттар бары аҕам саастаах кырдьаҕастары, эйэҕэс эбээлэри, күн күбэй ийэлэрин бырааһынньыктарынан итиитик-истиҥник эҕэрдэлээтилэр. Бастаан аһыллыытыгар тэтим үҥкүүннэн саҕаланна, туруорда култуура туйгуна Васильева Наталья Егоровна. Күрэҕи илээн ыыттылар Белолюбскай Петр Петрович, Осипов Дмитрий 10 "в" кылаас үөрэнээччитэ. Кыргыттар таҥнар кэмнэригэр күрэҕи киэргэттилэр эгэлгэ эриэккэс куоластаах ырыаһыттар, үнкүү - Артур Лотов, Павел Николаев 10 "в" кылаас үөрэнээччитэ, "Кыра модница" күрэх кыайыылаахтара Виктория Руфова "Ымыычаан" номинация хаһаайката, Юлия Потапова "Сулусчаан" номинация хаһаайката, Милена Семенова "Мичийээнэ" номинация хаһаайката, Алиса Николаева "Сандаара Куо" номинация хаһаайката, Каролина Афанасьева "Күнчээн" номинация хаһаайката, Татьяна Николаева "Нарыйаана Куо" номинация хаһаайката, Ангелина Иванова "Кырачаан модница" күрэх кыайыылааҕа. Кыргыттар өй күрэҕэр бары кэриэтэ Антоновка нэһилиэгин туһунан сыысхала суох эппиэттээтилэр. Түһүмэҕи иилээн-саҕалаан ыытта Антоновкатааҕы библиотека үтүөлээх үлэһитэ Людмила Петровна Ефремова. Кыргыттар араас минньигэс астара кулууп иһин дыргытан кээстэ. Минньигэс торт арааһа, капкейк, духовкаҕа буспут итир, сахалыы лэппиэскэ, алаадьы, салааттар, суши уо.д.а. Талаан көрдөрүүтүгэр араас намыын да, түргэн да ырыалары иһиттибит. Кыталык үҥкүүтүн, хоту дойду, индийскэй уонна тэттик аныгы үҥкүүнү көрөн астына дуоһуйдубут. Платонова Айыына кыра эрдэҕиттэн эбээтиттэн саҕалаан ийэтиттэн утумнаан ииһи, баайыыны баһылаабыта сөхтөрдө. Иккис нүөмэрдээх Ньурба оскуолатын, Антоновка оскуолатын уонна лицейтэн дьүөгэлэрэ кэлэн хааман көрдөрдүлэр. Григорьева Амилия "Куочай ыччата" түмсүү бирииһигэр тигистэ олоххо көхтөөх кыттыытын иһин. Платонова Айыына "Талаан" номинация хаһаайката, Белолюбская Валентина "Мисс Гламура" номинация хаһаайката, Сухаринова Лаура "Мисс Очарование" номинация хаһаайката, Габышева Виктория "Мисс Обаяние" номинация хаһаайката, Григорьева Амилия "Мисс Улыбка" номинация хаһаайката, Сидорова Лаурита "Мисс Грация" номинация хаһаайката, Иннокентьева Варвара "Мисс Школы 2017" кыайыы өрөгөйүн биллэ.
"Сырдык" пресс-киин салайааччыта Фокина Туяра Николаевна
Просмотров: 63 | Добавил: Sonor
Всего комментариев: 0
Добавлять комментарии могут только зарегистрированные пользователи.
[ Регистрация | Вход ]
Вход на сайт
Логин:
Пароль:
Поиск

Copyright MyCorp © 2017