Размер шрифта: A A A Изображения Выключить Включить Цвет сайта Ц Ц Ц Х
Среда, 14.04.2021, 21:54
Приветствую Вас Гуест | RSS

МБОУ "Антоновская СОШ им. Н.Н.Чусовского"

Статистика

Онлайн всего: 3
Гостей: 3
Пользователей: 0
Главная » 2014 » Июнь » 15 » Лесная школа
18:41
Лесная школа
Үөрэтии – сайыннарыы сонун хайысхата.
Ыам ыйын 26 күнүгэр оскуола 5-8, 10 кылаастарын үөрэнээччилэрэ айылҕаҕа тахсан үөрэннилэр. Остуол, устуул,дуоска суох, учуутал миэлэ суох, оҕолор олорботтор, тула барыта аһаҕас – хайдах эрэ атын. Ол эрэн оҕолуун – учууталлыын орун – оруннарын булан, сааһыланан, дьарыктар кэмигэр саҕаланнылар, быыһыгар – сынньалаҥ, онтон эмиэ атын дьарык. Ким да сүрэҕэлдьээбэт, бары күргүөмүнэн дьарыктан дьарыкка көһөллөр...
Бу биһиги оскуолабытыгар үгэс буолбут “Лесная школа” бырайыак чэрчитинэн ыытыллар тэрээһин. Күһүн-саас оҕолор айылҕаҕа тахсан үөрэнэллэрин, быыһыгар араас хамсаныылаах дьарыктарга эрчиллэрин чахчы сөбүлүүллэр, кыһыны быһа кэтэһэллэр. Математика ыарахан суоттарын чөҥөчөккө олорон суоттуохха сөп, Есенин хатыҥ туһунан хоһоонун дьиҥнээх хатыҥ чараҥ устун хааман иһэн ааҕар көҥүллэнэр... "Физика, химия да уруоктарын уустук формулалара аһаҕас халлаан анныгар өйдөнүмтүө буолаллар," - диэн биир үөрэнээччи дьонугар кэпсээбиттээх... Маннык дьарыктар саҕаламмыттара 15 сылтан орто, араас сылларга сороҕор атын ааттанан, көрүҥнэнэн күн бүгүҥҥэ диэри ыытыллан кэллилэр.
ФГОС 2 көлүөнэ стандартара олоххо киириитигэр табыгастаах көрүҥ буолан кэнники үс сылга бырайыак саҥа тыыннанна, ньымалара, хайысхалара чуолкайданнылар. Быйыл муус устар ыйга ЮНЕСКО оскуолаларын семинарыгар, Казань куоракка, бу бырайыак биһирэнэн, дипломунан бэлиэтэммитэ. Уһун кыһын оҕолор кылаас түөрт истиэнэтигэр олорон үөрэнэртэн сылайаллара кистэл буолбатах. Төһө да аныгы технологиялары туһаммыт иһин, сибиэһэй салгыны, санаа хоту үөрэниини уонна кылаабынайа - көҥүл ньыманы кытта тэҥнэспэккин. Быйылгы тэрээһиҥҥэ дьыл түөрт кэминэн арахсан, араас саастаах бөлөхтөргө хайдыһан үөрэннибит. Предметтэри сүрүн хайысхаларынан - гуманитарнай, естественнай-математическай, культура уонна духуобунас, технология - холботолоон, метапредметнай дьарыктар оҕолор болҕомтолорун тартылар. Тутатына үс тылынан саҥаран, хоһоон ааҕан, өс хоһооннорун хатылаан, суоттары, задачалары тулалыыр эйгэҕэ сыһыаран тумук оҥорон, тулалыы туран оһуохайдаан, айылҕа матырыйаалыттан оҥорууну баһылаан оҕолор астыннылар, ким хайдах үөрүйэхтээҕин көрдөрдүлэр.
Дьарыктар кэннилэриттэн иккис сылын ыытыллар "Олимпийскай оонньуулар" тумуктэрэ таҕыстылар. Икки бөлөҕүнэн кыайыылаах кылаастарга анал кубоктар туттарылыннылар. 7 "а" кылаас (сал. Самсонова О.С.), 8 "б" кылаас (сал. Васильева О.А.).
Эбиэт кэнниттэн туризм күрэх ыытыллан, оҕолор сүүрүү-көтүү бөҕө буолбуттара, физкультура, ОБЖ уруоктарыгар иҥэриммит үөрүйэхтэрин көрдөрбүттэрэ. Кыайыылаахтарынан 6 "б" (сал. Левина И.И.), 8 "а" (Петрова Л.А.), 8 "б" (сал. Васильева О.А.), 8 "в" (сал. Степанова С.С.) кылаастар буолбуттара.
Маннык уонна да атын хайысхалаах тэрээһиннэри айылҕалыын бодоруһуу, алтыһыы үөрүйэхтэригэр иитэр сыаллаах-соруктаах ыытар туһалааҕын өссө төгүл итэҕэйдибит уонна бу бырайыак кэскиллээҕэр, үөрэҕирии саҥа тиһигин сыалыгар сөп түбэһэригэр эрэнэбит.
Иванова М.М., ЮНЕСКО суруннээччитэ,
Фокина Т.Н., пресс-киин салайааччыта
Просмотров: 409 | Добавил: Sonor
Всего комментариев: 0
Добавлять комментарии могут только зарегистрированные пользователи.
[ Регистрация | Вход ]
Вход на сайт
Логин:
Пароль:
Поиск

Copyright MyCorp © 2021