Размер шрифта: A A A Изображения Выключить Включить Цвет сайта Ц Ц Ц Х
Среда, 14.04.2021, 23:32
Приветствую Вас Гуест | RSS

МБОУ "Антоновская СОШ им. Н.Н.Чусовского"

Статистика

Онлайн всего: 1
Гостей: 1
Пользователей: 0
Главная » 2014 » Декабрь » 5 » "Букчай" лааҕыр иккис сезона...
19:52
"Букчай" лааҕыр иккис сезона...
"Букчай" лааҕыр иккис сезона...
Антоновка орто оскуолатын базатыгар "Букчай" үлэ-сынньалаҥ лааҕыра 2 сезоҥҥа от ыйын 8-29 күннэригэр үлэлээтэ.
Начальник: Мария Иннокентьевна Федорова
Воспитатель: Пелагея Владимировна Никифорова
Повар: Галина Семеновна Иванова
Посудница: Евгения Филиппова.
Араас оскуолалартан 2 кылаастан 11 кылааска дылы үөрэнээччилэр сынньаннылар. Холобура, Дьокуускай куораттан, лицейтан, Дьиикимдэттэн, Ньурба бастакы ньүөмэрдээх уонна олохтоох оҕолор. Барыта 26 үөрэнээччи кэлбититтэн уон уол араас биричиинэлэринэн төннүбүттэрэ. Сарсыарда 8 ч. Тураат "Куочай" эбэ сыһыытыгар сибиэһэй салгыҥҥа сүүрэбит. Маршрутпутун сүүрэн эргийэн кэлэн баран зарядкалыыбыт. Суунан-тараанан баран аһыахпыт иннигэр уолаттар турникка тардыналлар, кыргыттар отжимание оҥороллор. Барытын ким хас төгүл оҥорбутун бэлиэтиибит. Сылаас мааннай хааьы сиибит. 10.30.-12.30 оҕуруокка баран сыыс от үргүүбүт. Хортуоскабытын көмөбүт, биир чааска эбиэттиибит, бастакы-иккис бүлүүдэ аһыыбыт. Икки чааска күнүскү утуйааһын. Оҕолор туран баран волейбол, теннис, городки оонньууллар. Сорохтор компютердыыллар эбэтэр флеш-моб үҥкүүлүүллэр. 5ч. полдник фрукта, кэмпиэт, бэчиэнньэ аһыыбыт, утах иһэбит. Киэһээҥҥи аһылыкка дылы душтаналлар, таҥастарын сууналлар. Ардыгар сир астыы бараллар. Киэһээҥҥи аһылык аҕыс чааска. Ол кэнниттэн уолаттар оҕуруокка уу ыстараллар. 10-11ч. утуйарга бэлэмнэнэбит. Ардыгар кыайан утуйбакка эрэйдииллэр. Арай биирдэ 5.30 икки табахсыт уолаттары остолобуойтан туппутум. Сарсыныгар төһө да хойут утуйбуттарын иһин 8ч. подъемнуубут.
Лааҕыр аһыллытыгар бастакы сезон оҕолоро велосипедынан кэлэ сылдьыбыттара. Оскуолаттан оҕону иитиигэ дириэктэри солбуйааччы Алена Афанасьевна Иванова ыалдьыттаабыта. Оҕолор аҕыйах концерт номерын көрдөрбүттэрэ. Открытиеҕа 1 сезон оҕолоро велосипедынан кэлэ сылдьыбыттара. Оскуолаттан оҕону итиигэ дириэктэри солбуйааччы Алена Афанасьевна Иванова ыалдьыттаабыта. Оҕолор концерт аҕыйах нүөмэр көрдөрбүттэрэ. Төрөппүттэр кэлэн лааҕыр аһыллыытын киэргэппиттэрэ.
- Участковай балыыһа үлэһиттэрэ кэлэн оҕолору көрөн барбыттара.
- Санпитстанция бырааһа кэлэн аһылыкпытыттан проба анализка илдьэ барбыта.
- "Харысхал" лааҕыр оҕолоро кэлэн ыалдьыттаабыттара. Араас оонньууга күрэхтэспиттэрэ. Кинилэри кытары инвалид о5олор элбэх этилэр. Колясканнан биир о5ону илдьэ сылдьаллар этэ. Холобура, Диодорова Настя бииргэ төрөөбүт балта кэлэ сылдьыбыта. Биһиги оҕолорбутугар барыларыгар "Харысхал" - диэн суруктаах браслеттары бэлэхтээбиттэрэ.
- "Урожай" общество председателя Иванов Михаил Иванович кэлэн Намна буолбут күрэхтэһиини сиһилии кэпсээбитэ. Оҕолор араас боппуруостарыгар эппиэттээбитэ. Бэйэтэ урут "Букчай" лааҕырга начальниктаабытын кэпсээбитэ.
- Дьокуускай куораттан Иванов Александр Игнатьевич кэргэнинээн Наталья Валентиновналыын кэлэн элбэҕи сэһэргээн ааспыттара.
- Участковай Геннадий Петрович уонна ПДН үлэһиттэрэ кэлэн улахан лекция ааҕан оҕолорго профилактическай үлэ ыыппыттара. Ыраахтан кэлбит ыалдьыппыт Варвара Гаврильевна Софронова бииргэ төрөөбүт быраата остановкаҕа олорор подполковник званиялаах Захаров Николай Софронович Аан дойду балаһыанньатын сырдаппыта. Оҕолору байыаннай үөрэххэ баралларын агитациялаабыта.
- МЧС уонна баһаарынайдар кэлэн профилактическай лекция онорбуттара. Балааккаттан дьиэҕэ киирбиккит диэн мөхпүттэрэ.
- Таатта улууһун "Айыы кыһатын" оскуолатын дириэктэрэ Шамаева Лидия Петровна, ХИФУ преподавателя, учуонай-соискатель Никитина Нюргуяна Гаврильевна, Баайаҕыын - Егоров Николай Иванович, Баайаҕа нэһилиэгин Таатта улууһун Мандар кыһатын дириэктэрэ, норуот маастара уонна хас да үөрэнээччи оҕолор кэлэн хонон ааспыттара. Кинилэр Саха сирин олоҕун - дьаһаҕын көрдөрөр киинэ матырыйаалын бэлэмнии сылдьабыт диэбиттэрэ. Киэһэ хонуктарыгар дириҥ ис хоһоонноох кэпсэтии ыыппыттара, бэйэлэрин оскуолаларын туһунан баай матырыйаалы көрдөбүттэрэ. "Уус кыһатын" лааҕырыгар хас да сыл инниттэн суруйтаран Өрөспүүбүлүкэ араас улуустарыттан дьоҕурдаах оҕолор кэлэн Мандар ууска дьарыктаналларын кэпсээбиттэрэ. Сарсыныгар туран Куочай киэҥ эбэтигэр киирэн сүүрбүттэрэ уонна сахалыы хамнаныылаах зарядкалаабыттара.
Саамай умнуллубат лааҕыырбыт күнэ Хаҥалас оскуолатын базатыгар баар «Сарыал» үлэ-сынньалан лааҕырын оҕолорун кытта баран, көрсүбүппүт. Сарсыарда эрдэ автобуһунан Николай Николаевич илдьэттээбитэ. Паромунан туораан кэтэһиилээх лааҕырбытыгар чугаһаабыппыт. Биһигини оскуола дириэктора Анисимов трассаҕа федеральнай суолга тоһуйан сирдээн илдьибитэ. О5олор уонна улэһиттэр үөрэ көрсүбүттэрэ. Кинилэр онно ынах ыыллар эбит. Базалара эргэ эрээри барыта уурбут-туппут курдук этэ. Улахан концерт көрдөрбүттэрэ. Лааҕыр оҕолоро бары активнай кыттыыны ылбыттара. Начальниктара уруккута Хаҥалас главата буолан, режими строго былыргылыы ирдиир эбит. 11чаас буолла да, сотовайдарын, планшеттарын уонна компьютердарын хоптого хомуйан ылар үһү. Күнүс аһаппыттара сүөгэйдээх эбиттэр. Икки лааҕыр оҕолоро күрэхтэспиттэрэ, араас оонньууларга кыттыбыттара. Киэһэ 6 чааска хонуннубут. Бары илии тутуһан истинник арахсыбыппыт. Оҕолорбут олус астынан айаннарын устата ырыа боҕо ыллаан кэлбиттэрэ.
«Букчай» үлэ –сынньалан лааҕыра кэлэр сылларга өссө таһаарыылаахтык үлэлээтин диэн алгыыбыт.
Биһиги сезоммут кэмигэр уот холбоммотоҕо. Туалет уонна душ киьилии суох этэ.
Арба « Уруйэчээн» оҕолоругар дэриэбинэҕэ хортуоска тээппэлээн икки күн улэлээбиппит.
Оҕолор сүрэҕэлдьииллэр. Итиини тулуйбаттар. Дэриэбинэҕэ төрөөбүт күҥҥэ көҥуллэтэн киирэн баран сорохторо дьонноругар хаалбыттара.
Мин бэйэм 1977 сыллаахха 9 кылааһы бүтэрэн баран, сайыны быһа бу лааҕырга от улэтигэр сылдьыбытым. Петр Егорович Петровка «Москвич» массыына фондатын ылыар дылы 200т оту оттообуппут. 1994сыллаахха спортивнай лааҕырга начальниктаабытым. Быйыл 1-кы сезонна уолум Кэскил, 3 сезонна кыыһым Света сылдьан лааҕыры олус сөбүлээтилэр. Туяра Григорьевна 4 оҕото, Мария Иннокентьевна уоллаах кыыһа, племянниктара сырыттылар. Кинилэргэ « Букчай» лааҕыры өйөөбүттэргэ улахан махтал.
Бииргэ улэлээбит Мария Иннокентьевнаҕа, Галина Семеновнаҕа уонна Доча Женяҕа эдьиийдии-балыстыы сыһыаҥҥытыгар итии-истиҥ баһыыбаларын. Улэҕитигэр, тус олоххутугар бары үтүөнү кытары.

Никифорова П.В. ахтыыта
Просмотров: 513 | Добавил: Sonor
Всего комментариев: 0
Добавлять комментарии могут только зарегистрированные пользователи.
[ Регистрация | Вход ]
Вход на сайт
Логин:
Пароль:
Поиск

Copyright MyCorp © 2021