Размер шрифта: A A A Изображения Выключить Включить Цвет сайта Ц Ц Ц Х
Среда, 21.04.2021, 22:20
Приветствую Вас Гуест | RSS

МБОУ "Антоновская СОШ им. Н.Н.Чусовского"

Статистика

Онлайн всего: 3
Гостей: 2
Пользователей: 1
makWam
Главная » 2014 » Октябрь » 14 » Букчай
22:29
Букчай
Букчай - иккис тыына...
Антоновка оскуолатын оҕолоро сайыҥҥы сынньалаҥнарыгар бу дьыл бэс ыйын 7 күннүттэн "Букчай" оҕо лааҕырыгар 10 кылааһы бүтэрбит сүүрбэччэ оҕолоох үлэтин саҕалаата. Барыта 3 сезон 21 хонуктаах үлэ уонна сынньалаҥ лааҕыра буолуохтаах. Бастакы сезон лааҕыр начальнига дириэктэри үлэҕэ солбуйааччы Федорова М.И. уонна иитээччиннэн омук тылын учуутала Тимофеева С.М. сырытта. Минньигэс астаах повардарынан Филиппова И.И. уонна Бассанова Г.С. улэлээтилэр. Кутаа уокка чэй, миин эрэ өрбөккө, алаадьы, бирэскии астаан оҕолору үөртүлэр. Оҕолор хортуоска, хаппыыста, моркуоп уонна сүбүөкүлэ олордон, онтуларын көрө-харайа сылдьаллар эбит. Букчай баараҕай тутууларынан киэркэйэн-тупсан эрэр. Владислав Торохов тутуу тэрилтэтэ "Масстрой" кыайан улэлии-хамсыы сылдьаллар. О5олор онно эбии сыыс-бөх хомуйан көмөлөһөллөр эбит. Ону таһынан ырыа-хоһоон айан, үҥкүүлээн, сылабаар өрөн рекорд олохтоон, араас көрдөөх күрэхтэргэ куоталаһан сынньанан-дуоһуйан киирбиттэрэ чахчы, оҕо саас умнуллубат түгэннэрэ... Анал ааттаах грамота ылан, илии тутуурдаах, өттүк харалаах бардылар. Ол курдук "Мистер Лагерь" уонна "Мистер Дружба" (оҕолор куоластаан) аатын сүктэ Сачарысов Владик, "Мисс Лагеря" уонна "Самый грамотный букчаец" Иванова Рената буолла, "Лучший дежурный лагеря" Егоров Стас уонна Иванова Нарыйа буоллулар, "Лучший флеш-мобист" аатын ылла Николаева Иза, "Мастер на все руки" окко-маска сыстаҕас Николаев Кирилл буолла, "Кик-боксер лагеря" Ноговицына Люба, "Любознательный букчаец" Афанасьев Коля буолла, "Знаток якутской песни" Кондратьева Сардаана иннин биэрбэтэ, "Лучший дизелист и DJ лагеря" Иванов Айсен улэлээн сотовай сибээс тохтообото, чуумпу киэһэлэрин киэргэттэ, "Чип и Дейл лагеря" ини-биилэр Стас уонна Владик Егоровтар, "Лучший затейник лагеря" Алексеев Аян оонньууну оройуттан тутта, лааҕыр туһунан бастыҥ хоһоон суруйан Федорова Амелия "Лучший сочинитель лагеря" аатын ылла, "Лучший пом.повара" Михайлов Саша буолла уонна 24 мүнүүтэҕэ сылабаар өрөн рекорд олохтоон "Лучший самоварщик" аатын суктэ, "Скромница Лагеря" Ефремова Саргылана буолла, "Мисс Дружба" Обоева Ирина (оҕолор куоластаан) буолан үөрдэ.
"Букчай" үлэ уонна сынньалаҥ лааҕыр историятыттан көрдөххө элбэх да киьи үлэлээн-хамсаан ааспыт. Быһа холоон 1972-1973 сыллардаахха Букчай диэн сиргэ аһыллыбыт. Ол курдук бүгүн аҕыйах дьон аатын ааттаан аһарыахпытын баҕарабыт. Бастакы сылларыгар Антонов Лев Александрович, Афанасьев Семен Севастьянович диэн наставник. Онтон Петров Петр Егорович, Васильев Иван Степанович үлэлээбит эбиттэр. Оччолорго балаакканнан сытан, илии хотуурунан улэлээн отут биирдии - биэс уон оҕолоох лааҕыр улэлээн кэлбит. Ылыммыт былааннарын сүүстэн тахса бырыһыан толорон сорох рекордара техника да уйэтигэр ситиһиллибэккэ турар эбит. "Мэктиэһик" диэн сиргэ 200 тахса тонна оту ылан турардаахтар. Кэнники сылларга оскуола кэлэктиибиттэн элбэх киьи улэлээбит, ол курдук Яковлев Ю.М., Иванова М.М., Афанасьев А.Т., Тимофеев А.М. (уонтан тахса сыл), Никифорова П.В., Рожина Г.С. уонна о.д.а. Михаил Иванович Николаев элбэхтик "Букчай" туһунан ол сылларга интервью биэрбит сурахтаах. Инники көлүөнэҕэ хаалларар курдук улэлээбит отчуттар, оҕолор, наставниктар, трактористар уонна "Букчай" туһунан билэр дьон ахтыыгытын биир-икки кумаахы лииһэ да буоллун оскуолаҕа тиксэрин. Отут үс сыл тухары "Букчай" улэ уонна сынньалаҥ лааҕыра баай историялааҕа биллэр. Өрөспүүбүлүкэҕэ кырдьаҕас лааҕырдартан биирдэстэрэ диэтэхпинэ сыыспатым буолуо.
О5о сынньалаҥын тэрийии олохтоох былаас кыһалҕата. Сайыҥҥы сынньалаҥ бары өттүнэн туһалаах буолуохтаах. Биир сүрүн кыһалҕа оройуоҥҥа сынньанар лааҕыр эргэрбитэ уонна суоҕа буолар. Антоновка оскуолатын сайыҥҥы сынньалаҥ базатын тэрийэр инициативатын олохтоох уонна оройуон дьаһалтата, депутаттар өйөөтүлэр. 2014с. тутууга 2,7млн. уп көрүлүннэ. Лааҕыры тэрийэн үлэлэтии сурдээх элбэх ыарахаттардаах. Оҕо туһа диэн оскуола быйыл палаточнай лааҕыр астарда. Үбүлээһин Республиканскай бюджеттан уонна оройуонтан кэлэр. Инники өттүгэр уотунан ититии киллэрэн кыһыннары-сайыннары үлэлиир иитэр-үөрэтэр лааҕыр аһыллыаҕын баҕарыллар Бүлүү бөлөх эҥэригэр, холобурун "Ленский край" курдук. Турар сирэ-уота онно табыгастаах, Куочай сирэ-айылҕата оҕону кэрэҕэ-урдуккэ тардыһарга үөрэтэр.

Оскуола пресс-киин салайааччыта
Фокина Т.Н.
Просмотров: 500 | Добавил: Sonor
Всего комментариев: 0
Добавлять комментарии могут только зарегистрированные пользователи.
[ Регистрация | Вход ]
Вход на сайт
Логин:
Пароль:
Поиск

Copyright MyCorp © 2021