Размер шрифта: A A A Изображения Выключить Включить Цвет сайта Ц Ц Ц Х
Среда, 14.04.2021, 22:27
Приветствую Вас Гуест | RSS

МБОУ "Антоновская СОШ им. Н.Н.Чусовского"

Статистика

Онлайн всего: 2
Гостей: 2
Пользователей: 0
Главная » 2009 » Декабрь » 10 » Ахсынньы 5 күнүгэр киэһэ 7 чаастан „Түһүлгэ“ культурнай кииҥҥэ „Түөлбэ талба талааннаахтара“ конкурус ыытылынна.
18:02
Ахсынньы 5 күнүгэр киэһэ 7 чаастан „Түһүлгэ“ культурнай кииҥҥэ „Түөлбэ талба талааннаахтара“ конкурус ыытылынна.

 Барыта нэһилиэкпитигэр аҕыс түөлбэ баарыттан бу дьоро киэһэ сэттэ талба талааннаах дьоммут сценаҕа тахсан талааннарын, сатабылларын көрөөччүлэргэ тоҕо тэбээн көрдөрдүлэр да үөртүлэр.

       Кыттааччылар 4 түһүмэххэ кииристилэр:

Бэйэни билиһиннэрии (визитка)

Бэйэ талаанын, сатабылын көрдөрүү

Музыкальнай түһүмэх (үҥкүү, ырыа, сценка, тойук)

Сахалыы стиллээх таҥаһы кэтэн хаамыы.

    Николай Алексеев (Тыалыкы түөлбэ) туойан доллоһутан, Саргылана Алексеева (Бөгдьөөлө түөлбэ) уран фанеранан, маһынан оҥоһуктарынан, Клавдия Васильева (Куочай) араас эгэлгэ абажурга тиийэ баайыыларынан, индийскэй үҥкүүтүнэн, Александра Догуева (Чусовской) кылыһахтаах куолаһынан, Мария Антонова (Дьулуур) көрдөөх сценкатынан, Егор Семенов (Нефтебаза) лирическэй ырыаларынан, Анна Пахомова (Өркөн) сайыҥҥы, кыһыҥҥы тигии таҥаһын эгэлгэтинэн кулуупка кэлбит дьону сөхтөрүөхтэрин сөхтөрдүлэр.

  Ханнык баҕарар күрэх, конкурус кыайыылаах киһилээх буолар. Ол курдук кыайыылаах үрдүк аатын ылла Өркөн түөлбэ чахчы да иҥнэни иҥнибэккэ үҥкүүлэтэр, оһуруону араастаан таҥаска тиһэр  уран тарбахтааҕа, Үөһээ Бүлүү Өргүөтүттэн силистээх кийиит Анна Пахомова. Кылгастык билиһиннэрэр буоллахха, Анна түүлээҕи, сахалыы таҥаһы, билэни, үтүлүгү, бэргэһэни, унтууну иҥнибэккэ тигэр, шубаны төһө баҕарар саҥардар, кылгатар. Кини кэргэнэ Эльдар Пахомовтыын үс кыыс оҕолоох Октябрьскай уулуссаҕа быр бааччы ыал буолан олороллор.

   Дьүүллүүр сүбэ кыттааччыларга барыларыгар номинация иҥэрдэ: Клавдия Васильеваҕа – Уран тарбах", Егор Семеновка – Ырыа ымыыта", Мария Антоноваҕа – Көмүс тарбахтар", Александра Догуеваҕа – Кылыгырас кылыһах", Саргылана Алексееваҕа – Кэрэ көстүү", Николай Алексеевка – Саха саарына".

   Нэһилиэкпит иһигэр араас элбэх талааннаах, сатабыллаах дьон элбээн иһэриттэн бу киэһэ мустубут дьон сүрдээҕин астынан, дуоһуйа сынньанан тарҕастылар.

Просмотров: 1136 | Добавил: admin
Всего комментариев: 0
Добавлять комментарии могут только зарегистрированные пользователи.
[ Регистрация | Вход ]
Вход на сайт
Логин:
Пароль:
Поиск

Copyright MyCorp © 2021