Размер шрифта: A A A Изображения Выключить Включить Цвет сайта Ц Ц Ц Х
Среда, 21.04.2021, 23:03
Приветствую Вас Гуест | RSS

МБОУ "Антоновская СОШ им. Н.Н.Чусовского"

Статистика

Онлайн всего: 2
Гостей: 2
Пользователей: 0
Главная » 2010 » Февраль » 2 » 2010 сылынан, эдэр учуутал!
12:27
2010 сылынан, эдэр учуутал!
2010 сыл – учутал сыла.
Хас биирдиибит маҥнайгы учууталын, оскуола5а үɵрэммит кэмин санаан ылла5ына ис иhиттэн ахтыл5ан сылаас тыына сүрэ5и-быары долгутар.
Учуутал диэн кимий? Кини – истиҥ мичээрэ, эйэ5эс сыhыана хайа ба5арар о5о кутун-сүрүн тутар күүстээх. Кини – үтүɵ5э-кэрэ5э угуйар, сырдыкка сирдиир аналлаах…
Бу сыл бары ытыктыыр, таптыыр киhибитигэр – учууталга анаммытын ким ба5арар биhириир, сэргиир.
Учуутал сылын кɵрсɵ Ньурба улууhун оскуолаларыгар саҥа үлэлии кэлбит учууталларга анаан улахан тэрээhин буолла.
Эдэр учууталлар декадалара тохсунньу ый 16 күнүттэн 30 күнүгэр дылы буолла. Бу күннэргэ оскуолаларга аhа5ас уруоктар, кылаас таhынан дьарыктар, күрэхтэhиилэр буолан аастылар.
Биhиги оскуолабыт иhинэн араас хабааннаах тэрээhиннэр тэриллибиттэрэ. Ол курдук билиҥҥи кэм ирдэбилинэн электроннай портфолио күрэ5эр кытынныбыт. Саҥа технологияны туттан иҥин араас быhыылаах, кээмэйдээх портфолиолары кɵрдɵрдүлэр. Онтон аhа5ас уруогу ыытарга бастыҥ буолар иhин былдьастыбыт. Манна Ольга Леонидовна Тимофеева «Дерево знаний» диэн ааттаах уруога биhирэбили ылан кустанан күрэххэ кыттарыгар сүбэ ылыллыбыта. Идэ ирдэбилинэн эрэ муҥурдаммакка эт-хаан чэгиэнин бэрэбиэркэлэнэн ким быhыйын быhаарыстыбыт. Эдэрдэр уонна үлэлээбиттэрэ ырааппыт учууталлар диэн арахсан күɵн кɵрүстүбүт. Дуобакка, хаамыска5а, ытыыга, кɵрдɵɵх эстафета5а күрэхтэстибит. Кыайыыны эдэрдэр ыллылар, ол да буоллар кыайыы ыараханнык кэлбитин эппитинэн-хааммытынан биллибит.
Оскуолаларга ыытыллыбыт күрэхтэр салгыы куста5а буолан аастылар. Ол курдук Ньурба куоратын аттынаа5ы нэhилиэктэр оскуолаларын эдэр учууталлара икки күн: аан бастаан Ньурбачааҥҥа, онтон Антоновка оскуолатыгар кɵрүстүбүт.
Ньурбачаан сиригэр-уотугар эдэрдэр ордук чугасыhан, бэйэ-бэйэбитин билистибит. Талааннаах дьон ылба5ай ырыаларын, имигэс үҥкүүлэрин кɵрɵн дуоhуйа астынныбыт, сүүрдүбүт-кɵттүбүт. Толору астаах тɵгүрүк остуол тула олорон күннээ5и кыhал5абытын кэпсэтэн, аны да кɵрсɵ туруохпут диэн бысаарыстыбыт.
Иккис күн Антоновка орто оскуолатыгар ааста. Аhа5ас уруоктар күрэхтэрэ, ɵр кэм үлэлээбит а5а табаарыстарбыт сүбэлэрин-амаларын истэн үгүhү биллибит, элбэххэ үɵрэннибит.
Декадабыт түмүгэ Марха орто оскуолатын дьиэтигэр-уотугар буолан ааста. Бу күн Ньурба сирин араас муннуктарыттан эдэр учууталлар мустан үɵрүүбүтүн үллэстэн, саҥаны, сонуну билэн астынныбыт, үлэбитигэр туhалаа5ы биллибит-кɵрдүбүт. Киэhэбитин дьикти кэрэ куоластаах, айыл5аттан дьо5урдаах эдэр учууталлар киэргэттилэр, ча5ылхай талааннарынан кэлбит дьон биhирэбилин ыллылар.
Киhи эрэ барыта кэрэ бэйэлээх кыргыттар хорсун хоодуот уолаттары кытта илии илиилэриттэн ылсыhан намыын ырыа5а аргыый а5ай эргийэн киирбиттэрин сэргии кɵрдɵ. Нарын пааралар үҥкүүлэригэр уйдаран кэрэ билии дойдутугар сылдьан кэлбит курдук сананным.
Бу курдук улахан тэрээhиннээх эдэр учууталларга анаммыт күн үгүhү эрэннэрэр, үлэ5э угуйар.



Саввинова Матрена Валерьевна
Антоновка оскуолатын учуутала
Просмотров: 1822 | Добавил: alexx
Всего комментариев: 0
Добавлять комментарии могут только зарегистрированные пользователи.
[ Регистрация | Вход ]
Вход на сайт
Логин:
Пароль:
Поиск

Copyright MyCorp © 2021